داااااااااااارميات روووووووووعة

1- ديروني مية راس نكطولي الف ماي
اتعبكم وما موت لمن يجي اهواي
--------------
2- اليطلع من الدار يرش وراه ماي
بس اني ارش الروح من يطلع اهواي
--------------
3- عمده ارد امر بالدار والنوح ازيده
واسمع صداها ايكول راح التريده
--------------------
حسبالك انه انساك لو طال الفراك
بالعكس كلما طال انه اكثر اشتاك

--------------
4- زين ابتوالي الليل شالوه الاجناب انه اصبح مطروح يم عتبة الباب
-------------
5- كالو يشوف اهواه الترف عينه
رف الكلب والعين جا ولفي وينه
-------------
6-ا كمت قراه بالزيتون والعادياتي
شرخصني عند اهواي جنت اشغلاتي
-------------
7- بت بعد بالدلال هذا اتله البتوت
روحي الهه ملكه وياك ما تفعل اتموت
-------------
8- انت النفس والماي والحجه والصوم
وانت التوزع ادماي ابجسمي كل يوم
---------------
9- جنه افرد ماعون ناكل سويه
هسه اصبحت مكروه نجسات اديه
------------
10-الدنيه كله اهموم وبنصه ضعنه
ننسه الاعزاز اشلون مو من طبعنه
-------------
11- شامت اجاني ايشوف ما ذيني الاصواب
يا روحي لو نشداج كولي الجرح طاب
---------------
12- بشرهم الشمات كلهم تجويت
خليهم ايحطون حنه اعله كل بيت
------------
13- ها بت بعد بالروح ها شعره ها دون
من مدري ياهو الكال باجر يشيلون
---------------
14-صاحت ابوجهي الدار شال الولف شال
خلولك اعله الباب حسره وشده بال
-----------------
15- انهجم بيت الليل هاطوله بجفاك
شو يمر مثل الطيف من اكعد وياك
------------
16-التمو يل شمات كلكم واكلكم
الجنت ازامط بيه صبح مثلكم
--------------
17- وانته ابرخص دنياك ما بعتك ارخيص
برحي وتعبت اعليك تالي اتحمل شيص
------------
18-اشناسي عندي البين ومودي الغراب

وداه يشوف اشظال باجي من الاحباب
-----------------
19- يا دنيه ليش وياي صكعج بالاثنين
كليلي حته اوفيج من كون الج دين
------------
20 - البيه حمه ورجال اتذكره بثنين
اتذكره وكت الضيج وبسطرة البين
---------------
21- انته اعز من الروح واغله من العيون
يلصرت عني ابعيد افراكك اشلون
-------------------
22-اشمالج اتلومين يا روحي هيدي
اني ادري بيه بذات اشتم كفه ايدي
-----------------
23- شراي اجه اعله الروح عامل عليه
شتكول ابيع اعليه لو تشتريه
------------
24- مدرج واصيح ابصوت صوت انصه من صوت
مالك درت مكفاك بمنازع الموت
-----------------
25- بس جلمه والله وياك يل مني مليت
العشره شله اشروط اشمنه وفيت
-----------------
26- رد بشر الشمات بالي جره وصار
طاحت حنايه البيت يل تطلب الثار
-------------
27- ينشدني ملج الموت روحك شجاه
كتله حبيب الروح كبلك خذاه
------------
28- الخوه لو تنباع جنت اشتري الاف
وامشي ابضلام الليل راهي اني ما خاف
--------------
29- حط ايدك اعله اجروح دلالي يهواي
انته الدوه الموصوف العلتي هاي
-------------------
30- كالو ابوكت الضيج اتفيد الاخوان
وانه اخوتي لليوم ما كالو ا افلان
---------------------
31- ابعد يبد الذات ايغشني ملكاك
تجبرني خاف الروح وتعاتب وياك
------------
32- عود ابعدت وانساك غمك لهل راي
تعرضلي بكل الزاد وبشربت الماي
-----------------
33- وشلة دمع بالعين محرزه لجفاك
ادري الهوه اشما طال ما دايم وياك
----------------
34- ياكطعي يل مابيك ذرة محنه
لا عله النزل مريت لا كلت اهلنه
---------------
35 - يا عيني بس باليل مرخوصه تبجين
والصبح للشمات بالج تبينين
-----------------
36- كابلني اعله الروح وانجره يلمار
ما ترضه تمشي وياي ومجلبه بالدار
---------------
37- صاحت ابوجهي الدار شال الولف شال
خلولك اعله الباب حسره وشده بال
-----------------------
38- تجمع ابذاري الدار روحي وتشم بيه
حكه وعليه اعزاز الداسوا اعليه
-------------------
39- اشكر فضله الدار سلتني فركاك
بيه اذكر الموكاف ومعاتبي وياك
------------------
40- مات الوفه ودفنوه مات اخس موته
من يوسف الذبوه بالبير اخوته
----------------
41- شنهو فضله الدار تتشكر اله
ما ادو المعروف انذال اهله
-------------------
42- حيل اوجرت وياي ياخويه الايام
يمكن ثلث مرات كصرة الاحزام
-------------------------
43- فز كلبي نص الليل كتله وبلابوش
جا شنهي الموازيك اتخاوي الطروش
---------------------
44- ياكتر بالدلال خالي من العيوب
وبيا مجان ايصير جرح اليجي انوب
----------------------
45- زرعي وتعبت اعليه ومراشنه اوكات
خل ييس الدواس للبخنك ومات

شكرا على الشعر